ក្រុមហ៊ុន សាជីវកម្មដែក អាតាដ បានរៀបចំសន្និសីទក្រុមប្រឹក្សាភិបាល ដើម្បីអបអរសាទរខួបលើកទី ២០ របស់ខ្លួន។ ការចូលរួមរបស់ក្រុមប្រឹក្សាភិបាល និងក្រុមប្រឹក្សាគ្រប់គ្រងដែលតំណាងឱ្យនាយកដ្ឋានផ្សេងៗ បានរួមចំណែកដល់ការបង្កើតបរិយាកាសនៃសហប្រតិបត្តិការ លើកកម្ពស់សាមគ្គីភាពក្នុងក្រុម និងការអភិវឌ្ឍន៍ប្រកបដោយចីរភាពនៃ ក្រុមហ៊ុន អាតាដ ។
នៅពេលចាប់ផ្តើមនៃសន្និសីទ តំណាងក្រុមប្រឹក្សាភិបាលបានថ្លែងអំណរគុណយ៉ាងស្មោះស្ម័គ្រ ចំពោះក្រុមប្រឹក្សាគ្រប់គ្រងដែលបានអមដំណើរ និងជួយ អាតាដ យកឈ្នះលើការឡើងចុះនៃពេលវេលា ដែលធ្វើអោយមានស្ថិរភាព និងទទួលបានសមិទ្ធផលដ៏អស្ចារ្យ។ ក្រុមប្រឹក្សាភិបាលក៏បានបញ្ជាក់ផងដែរថា ក្រុមការងារគ្រប់គ្រង គឺជាកម្លាំងដ៏សំខាន់ក្នុងការកសាងចក្ខុវិស័យ ជាយុទ្ធសាស្ត្រ ចាប់យកឱកាស និងតស៊ូជាមួយទិសដៅដែលបានកំណត់។
សន្និសីទនេះគឺជាឱកាសមួយ សម្រាប់ក្រុមប្រឹក្សាភិបាលទាំងមូល និងក្រុមការងារគ្រប់គ្រងដើម្បីពិនិត្យមើលដំណើរ ២០ឆ្នាំរួមគ្នា។ ចាប់តាំងពី អាតាដ ជារោងចក្រតូចមួយដែលមានទំហំ 4000ម២ ឥឡូវនេះបានផ្លាស់ប្តូរ និងអភិវឌ្ឍជាមួយរោងចក្រនៅ Dong Nai, Long An, Vung Tau ដែលមានផ្ទៃដី 320,000ម២ ។ គួរកត់សម្គាល់ថា ទាំងនេះគឺជារោងចក្រទាំងអស់ ដែលមានខ្សែសង្វាក់ផលិតកម្មដែកទំនើប និងទ្រង់ទ្រាយធំនៅក្នុងពិភពលោក។
នៅក្នុងសន្និសិទនេះផងដែរ ក្រុមប្រឹក្សាភិបាលបានគូសបញ្ជាក់អំពីទិសដៅអភិវឌ្ឍន៍សម្រាប់រយៈពេល ប្រាំឆ្នាំ ២០២៥ – ២០៣០។ នៅក្នុងដំណើរថ្មីនេះ អាតាដ នៅតែបន្តដាក់ខ្លួនជាអ្នកម៉ៅការរចនាសម្ព័ន្ធដែក ឈានមុខគេទាក់ទងនឹងម៉ាក គុណភាព និងសេវាកម្មនៅក្នុងឧស្សាហកម្ម។ ទន្ទឹមនឹងនេះ អាតាដ ផ្តោតលើការចិញ្ចឹមបីបាច់ធនធាន ការអភិវឌ្ឍវប្បធម៌សាជីវកម្ម បង្កើតបរិយាកាសការងារប្រកបដោយឯកភាព និងវិន័យ នេះជាមូលដ្ឋានគ្រឹះសម្រាប់ អាតាដ ក្នុងការកសាងក្រុមបុគ្គលិកដ៏រឹងមាំ ត្រៀមខ្លួនដើម្បីសម្របខ្លួន និងធ្វើសមាហរណកម្មជាមួយសហគមន៍អន្តរជាតិ។
២០ឆ្នាំគឺជាព្រឹត្តិការណ៏ដ៏គួរអោយចាប់អារម្មណ៍មួយ ដើម្បីក្រឡេកមើលទៅក្រោយ សមិទ្ធិផលដ៏អស្ចារ្យដែល អាតាដ សម្រេចបានក្នុងដំណើរអតីតកាល ហើយក៏ក្លាយជាគន្លឹះសម្រាប់ អាតាដ ដើម្បីទម្លុះ និងឈានទៅដល់ឆ្ងាយនាពេលអនាគត។
